Kio Plej Distingas La Bahaan Kredon De Aliaj Mond-Religioj Igas Aŭstraliajn Bahaajn Gvidantojn* Hipokritulojn Aŭ Nedefendeble Nesciaj

Anstataŭ legi aŭstraliajn laŭvole legi: baratajn, britajn, kanadajn, kiviajn, niĝeriajn, sudafrikajn, tanzaniajn, usonajn… 

La Fundamenta Bahaa Principo De Universala Helplingvo

https://gumroad.com/l/TbtCp p.54 

UDdeJ: Chuungu Malitonga, Paul Lample, Juan Francisco Mora, Ayman Rouhani, Payman Mohajer, Shahriar Razavi, Praveen Mallik, Andrej Donoval, Albert Nshisu Nsunga. Majo, 2023

De ilia persona rompo aŭ nescio de la bahaa Sankta Interligo pri la help-lingva principo la vualado rezultinta estas ofendo. 

Ke bahaaj gvidantinoj estas malpermesitaj servi en la UDJ estas traktita ĉi tie: https://gum.co/TVuAR

Jardekon antaŭ ol komenci siajn famkonatajn vojaĝojn tra okcidentaj landoj antaŭ la unua mondmilito, Abdul Baha en Ĥajfo diris al kelkaj pilgrimantoj: “La diferencoj inter ĉi tiu Revelacio kaj tiu de Jesuo Kristo estas, ke en ĉi tiu ciklo ĉiuj loĝantoj de la mondo estos kolektitaj en unu nacion; universala paco venkos, sangoverŝado kaj milito ĉesos; estos universala lingvo; kuniĝo kaj harmonio atingos sian plej altan staton.” Bahaa periodaĵo, Star of The West, volumo 11, numero 17, paĝo 286; Vidu: Mateo 10:34.

Sep aŭ ok milionoj da bahaanoj dise tra la mondo en ĉiaj komunumoj kredas je progresiva revelacio: La Fondintoj de Judismo, Hinduismo, Zoroastrismo, Budhismo, Kristanismo, kaj Islamo t.e., en bahaa lingvaĵo, Manifestiĝoj de Dio, unu kaj ĉiuj estas revinintaj spirite en la nomo de baha, kiel promesite en la sanktaj libroj. Abrahamo, Kriŝno, Moseo, Zoroastro, Budho, Kristo kaj Mahometo posedas la saman spiriton; tiu sameco klarigas la singularan veran difinon de reenkarniĝo. Ili, kaj nur Ili, post la fizika morto, revenas en nian materian mondon en ĉiu epoko, kaj nur en la spirito! (Iliaj virtoj revenas!) Por gvidi la homaron en moralo kaj spiriteco ĉi tiuj perfektaj Manifestiĝoj de Dio sinsekve aperas ĉiujn 500 jarojn proksimume; Ili diferencas inter si nur en la fizika formo kaj en la gloro de la atributoj dotitaj al Ili de la unusola Dio laŭ postuloj kaj krizoj de la epoko. Baha'u'llah estas la Manifestiĝo de Dio por nia tempo. En memevidenta kaj gravega senco diferencoj apenaŭ ekzistas inter la Bahaa Kredo kaj aliaj Kredoj, inkluzive de indiĝenaj religioj; principe samas la kerna afero de amo al onies proksimulo.

Ĉiu bahaano kredas, ke "la Promesito el ĉiuj popoloj de la mondo jam aperis. Ĉiuj popoloj kaj komunumoj atendis Revelacion kaj Li Baha'u'llah estas la plej eminenta Instruanto kaj Edukanto de la homaro." Abdul Baha en Baha'u'llah kaj la Nova Epoko (BNE) de d-ro John Esslemont, p1. Tr: Lidia Z.   

Sen precedenco en religia historio, ĉi tiuj instruoj kaj principoj de Di-sendita Mesaĝisto estas pluekzistantaj kaj alireblaj en originalaj manuskriptoj de Li mem verkitaj, por ke ni kaj estontaj generacioj povu intense esplori Revelacion por ni mem, tiel malhelpante por ĉiam la damaĝojn de homa interveno kaj mis-interpretado faritajn de koruptaj aŭ sensciaj elitoj. Sed, ĉe nedemokratiaj entoj aĉa, aŭ simple erara kaj privilegia aliro ofte persistas, kiel en la Bahai Publishing Trust de Ĉikago kaj en la Domo-sankciita Bahaa Internacia Komunumo malgraŭ uverturo kaj petego de esperantistoj de Ilinojso kaj precipe de la oficejo de Esperanto-najbaroj de BIK ĉe la sama, fama, UN-adreso, Novjorko.  En Esperanto: p. 90: https://katalogo.uea.org/katalogo.php?inf=6655#ek  https://www.yumpu.com/es/document/read/10266523/realigas-la-mondan-pacon-la-bahaa-kredo-kaj-esperanto Vidu ankaŭ anglalingve: Making World Peace Real, p. 86: https://pauldesailly.gumroad.com/l/making_world_peace_real

En Bahaaj Skriboj atentokapte abundas specifaj kaj mirindaj referencoj al la lingvoprincipo, al Esperanto, kaj al d-ro Zamenhof. Foje Abdul Baha neformale renkontis unuopajn esperantistojn; ofte li mem paroladis en niaj E-kluboj kaj establaĵoj. Iufoje en Parizo, 1913, li kvarfoje menciis rekte Esperanton kaj unufoje citis oblikve ĝin ene de du kortuŝaj alineoj. La fama skota esperantisto, d-ro Esslemont, registris tiun paroladon en BNE, kiun Shoghi Effendi https://eo.wikipedia.org/wiki/Shoghi_Effendi_Rabb%C3%A1n%C3%AD en sia majstra verko, Dio Preterpasas *, jene priskribis: "tiu grandioza, aŭtoritata kaj ampleksa enkonduko al bahaaj historio kaj instruoj verkita de tiu purkora kaj senmorta antaŭenigulo de la Kredo, J. Esslemont." Ke BNE konsistigas aŭtoritatan verkon grave menciindas! Iam Shoghi Effendi mem propre direktis revizion de BNE. Sed, en 1950 la Bahaa Eldonejo, Usono, akiris kopirajton, arogis al si prerogativon de la bahaa Gardanto prononci la kronologion de la Sep Kandeloj de Unueco de Abdul Baha, kaj eĉ publikigis en BNE, kvazaŭ skribite de Esslemont, prokrastitan rolon por la Lingva Kandelo en lasta pozicio – t.e. post kiam la preferataj Kandeloj de la Komitato estis jam atingitaj. Tiuj damaĝaj intrigoj de usonaj bahaanoj aperis en ĉapitro X de BNE pri lingvo ĝis la 1970a eldono. Ilia ekskluziva rego de, kaj enmiksiĝo en BNE vidigas eĉ nun tie en la aktuala eldono entute eraran interpretadon pri Abdul Baha en Londono rilate al unusola Universala Lingvo, kiu kaŭzas malplivalorigon de Esperanto kiel la potenciala Helplingvo: https://interlingvistiko.net/wp-content/uploads/2021/05/5-Nordenstorm.-Views-on-Esperanto-in-the-Bahai-faith.pdf p. 47; FB2B https://pauldesailly.gumroad.com/l/gDehr  p.64. * https://katalogo.uea.org/katalogo.php?inf=4707 https://bel.bahai.de/blog-post/dio-preterpasas-eldonita/  Neniu sukcesis eĉ ek-konvinki la nunajn posedantojn de BNE en Usono por almenaŭ et-agnoski la damaĝon faritan, kaj ankoraŭ okazantan, pro tio, ke oni lasas stari dum jardekoj en ‘la lernolibro de la Kredo’ falsan kunigon rilate konsilon de Abdul Baha pri unusola Universala Lingvo ‘en tre malproksima tempo’. Verdire, nepre necesas ke aperu kiel eble plej baldaŭ en reviziita eldono liaj ‘ripetataj kaj emfazaj admonoj’, por citi la Gardanton, pri urĝe bezonata Universala Help-lingvo, kaj pri liaj malambiguaj instrukcioj pri Esperanto. Grava ofendego al la homaro (kaj aparte al la ne-anglofona mondo!) malkaŝita en ĉi tiu skandal-raporto etendiĝas vaste preter Usono en cento da tradukoj ĉar la angla originalo, kune kun ties tiel nomataj “korektoj” de komitato, estis (ankoraŭ estas!) la monda modelo por la koncernaj tradukoj.

Mallonge antaŭ ŝia abomena murdo en Treblinka, nazia ekstermejo en Pollando, Lidia Zamenhof kiu estis la plej juna infano de Klara kaj Ludoviko Zamenhof tradukis Bahá’u’lláh kaj la Nova Epoko al la Monda Lingvo (t.e. Shì Jiè Yu, la nomo de Esperanto en la Ĉina Popola Respubliko kies registaro jam multajn jarojn forte ĝin subtenas. https://esperanto.org.au/ftp-uploads/ESK-137-dec2019.pdf p. 16 – 18. Gekamaradoj! Ni legu la sanktajn vortojn de Abdul Baha pri la simfizo, la simbiozo, aŭ se vi preferas, pri la koincidoj inter la bahaa religio, la Interna Ideo de Esperantismo kaj de la monda paco mem. Bonvolu atenti je la unua alineo sep elstarajn promesojn kiuj por la unua fojo aperas en la longega kronologio de religio. La Interna Ideo: https://esperanto.org.au/ftp-uploads/ESK-131-jun2018.pdf  p 23-25.  Honore al Lidia Zamenhof: https://esperanto.org.au/ftp-uploads/ESK-127-jun2017.pdf  p. 16 – 17.

“La plej granda rimedo akcelante unuiĝon de la Oriento kaj la Okcidento estos komuna lingvo. Ĝi faros el la tuta mondo unu hejmon, kaj ĝi fariĝos la plej forta impulso por la homa antaŭeniĝo. Ĝi levos la standardon de la unueco de la homaro. [De bahaanoj la preferata slogano de 3 generacioj.] Ĝi faros el la tero unu universalan komunaĵon. Ĝi estos kaŭzo de amo inter la homidoj. Ĝi kaŭzos bonan kunvivadon de diversaj rasoj.   “Dankon al Dio, ke d-ro Zamenhof elpensis la lingvon Esperanto. Ĝi posedas ĉiujn eblajn kvalitojn por fariĝi rimedo de internacia interkomunikiĝo. Ĉiuj el ni devas esti kontentaj kaj dankemaj al li pro lia nobla penado, ĉar tiumaniere li faris bonan servon al siaj proksimuloj. Per senlaca penado kaj sinoferemo flanke de ĝiaj pioniroj Esperanto fariĝos universala. Tial ĉiu el ni devas studi tiun ĉi lingvon kaj disvastigi ĝin laŭ sia eblo por ke ĝi estu tagon post tago pli vaste konata, por ke ĝi estu akceptita de ĉiuj nacioj kaj registaroj de la mondo, kaj fariĝu parto de la programo en ĉiuj publikaj lernejoj. Mi esperas ke Esperanto estos akceptita kiel lingvo de ĉiuj estontaj internaciaj konferencoj kaj kongresoj, por ke ĉiuj homoj bezonos lerni nur du lingvojn; unue sian patrolingvon kaj due la lingvon internacian. Tiam perfekta harmonio estos starigita inter ĉiuj popoloj de la mondo. Konsideru kiel malfacile estas hodiaŭ interkomunikiĝi kun diversaj nacioj. Se oni studas eĉ kvindek lingvojn oni ankoraŭ tamen povas vojaĝi tra lando kaj ne koni ĝian lingvon. Tial mi esperas ke ĉiu el vi streĉos ĉiujn siajn fortojn, por ke la lingvo Esperanto larĝe disvastiĝu.”  Abdul Baha, Parizo, Feb 1913. Baha'u'llah kaj la Nova Epoko, ĉapitro X, La Vojo al Paco, tr: Lidia Z.

Abdul Baha al bahaanoj: “Nepras disvastigi Esperanton malproksimen kaj studi ĝin - religia devo.”  Precize pri Nepras kaj devo vidu punktojn 17 kaj 12: https://www.bandeeducation.com/la-principo-de-universala-help-lingvo Abdul Baha al Esperantistoj: “Dankon! Al vi mi dankegas. Mi gratulas vin el la profundo de mia koro.” https://esperanto.org.au/ftp-uploads/ESK-129-dec2017.pdf  p.26 - 28. Bahaanoj! Eksterordinara dankemo; ĉu gesto unika? Kial?   Al esperantistoj en Vaŝingtono D.K. Abdul Baha klarigis la 25an de aprilo 1912: “Tial la prioritata servo al la homa mondo estas instali tiun ĉi internacian helpan komunikrimedon.” (Sama ligilo, punkto 2.)

Atinginte dek kvin jarojn ni bahaanoj elektas sendepende de niaj gepatroj ĉu oficiale aliĝi al la Kredo per subskribo de Sankta Interligo, en kiu ni solene promesas obei gvidon skribitan de la Universala Domo de Justeco kaj de la centraj Figuroj de nia religio, ekzemple de Abdul Baha. Malmultaj bahaanoj konscias eĉ periferie pri liaj instrukcioj pri Esperanto. Por bahaaj junuloj de la 21-a jarcento, Ludovik Zamenhof estas nomo malofte aŭdata, kaj lia lingvo de la monda paco kvazaŭ itala opero enscenigita en utopio! Kial do? # La Universala Domo de Justeco, kiel la supera bahaa aŭtoritato ekde 1963, alvokis oficiale jam en 1985 ĉiujn popolojn urĝe okupiĝi pri la fundamenta principo de internacia helplingvo (Vidu punktojn 3-5: https://www.bandeeducation.com/la-principo-de-universala-help-lingvo ) kaj Abdul Baha fojon post fojo prioritatigis Esperanton! # Redaktoroj ĉe Vikipedio kaj la prestiĝa Chambers Dictionary of Beliefs and Religions (Vortaro de Kredoj kaj Religioj aperigita de famkonata usona firmao, Chambers) agnoskas multe pli de la Esperanta-Bahaa-konekso (kaj publikigas ĝin!) ol Domanoj en Ĥajfo aŭ bahaaj proprietuloj kaj akademiuloj prizorgante BahaiTeachings.org, BahaiBlog, BahaiChronicles ktp. Bv. legi: https://en.wikipedia.org/wiki/Bah%C3%A1%CA%BC%C3%AD_Faith_and_auxiliary_language    http://www.amazon.com/Chambers-Dictionary-Beliefs-Religions-Vernon/dp/0550103449